«Қазақмыс» корпорациясы» ЖШС өңірлердегі құрылымдық нысандарын қорғайтын «Қорғау қызметі» АҚ Жезқазған филиалындағы «КәсіпҚорған» кәсіподағы кәсіпорында еңбек ететін қызметкерлер арасында тұңғыш рет «Қорғау даусы» байқауын ұйымдастырды. «Amanat» партиясы «Қазақмыс» корпорациясы» ЖШС жанындағы Ұлытау облыстық филиалы мен «Jastar Bolashaq» Жастар одағы демеушілік көрсеткен ән байқауы ерекше өтті.
«Қорғау қызметі» ЖШС күзетшілерінің өнерге, әнге деген ынтасын айқындаған байқау алғаш рет ұйымдастырылғанымен қатысуға өтінім бергендердің қатары 10-ға жетті. Әрбір қатысушының сахнада өзін-өзі ұстауы, әнді жеткізуі, киім киісі сынды талаптарға баса мән берген қазылар алқасы байқаудың І орнын Әлихан Социаловқа лайық деп тапты. ІІ орынды Константин Кан еншілесе, ІІІ орынның жүлдесі Ақкенже Сәлиеваға бұйырды. Сондай-ақ, бақ сынаған Динара Қойшан «Үздік сахналық бейне» номинациясын иеленді.
Бағдат ҚАЗКЕНОВ.
