Мысты шаһардың 70 жылдығы аясында талантты балаларды қолдау мақсатында қалалық мәдениет және тілдерді дамыту бөлімінің ұйымдастыруымен өткен «Өнер-fest»» байқауы мәреге жетті.
Халықтар достығы мен мәдениеті үйін екі күн бойы талантты балаларға толтырған байқаудың екінші күні вокал және хореграфия конкурстары өткізілді. Вокал жанры бойынша алдын ала іріктеу кезеңінде 29 үміткер бақ сынаса, конкурстың ақтық сынына өткен 14 үміткер өзара мықтыны анықтады.
Әділ-қазы алқаларының шешіміне сәйкес Бас жүлдені Жезқазған қаласы «Қарақат» мектеп студиясының өнерпазы Әбіләшім Ердос жеңіп алды. Жүлделі І орын Жезқазған қаласы Балалар өнер мектебінің шәкірті Өміржан Қай-
руллаұлының қанжығасына байланды.
Сонымен қатар конкурсқа шәкірт дайындап, іс-шараға белсене қатысқаны үшін дарынды жастардың жетекшілері ескерусіз қалмай, алғыс хатпен марапатталды. «Өнер-fest» фестивалі мың бұрала билеген бишілердің сайысы хореография жанрындағы конкурспен қортындыланды. Аталған бағыт бойынша іріктеуден іркілмей өткен 15 өнер ұжымы өз өнерлерін ортаға салды.
Бишілердің шеберлігін бағалаған қазылар алқасының құрамында да кіл мықтылардан жасақталды. Сазды әуенге ілесіп, ырғақ құдіретіне елітіп, сырлы қимыл мен сиқырлы қозғалыс жарасым тапқан доданың деңгейі жоғары болды. Конкурс нәтижесінде «Диндалле» корей халықтық би ансамблі Бас жүлдеге лайық деп танылды. Үздік атанған би ұжымдарына маусым айында Алматы қаласында өтетін Халықаралық жобаға жолдама берілді. Осылайша екі күн бойы Жезқазған аспанын ән мен би тербеп, таланатты балалардың талабы қайралды.
Гүлім МАРАТҚЫЗЫ.