Тау-кен, металлургия және аралас өндіріс еңбеккерлерінің «КәсіпҚорған» кәсіподағы жаңа бастаманы қолға алды. Ұйымның жаңалықтарын, жетістіктері мен әртүрлі пайдалы ақпараттарды енді «KasipQorgan APP» мобильді қосымшасынан біле аласыздар.
Бұл қосымша кәсіподақ жобаларын цифрландыру және кәсіподақ жәрдемақыларын жария ұстау, сонымен қоса жаңалықтармен, ақпаратпен бөлісу мақсатында әзірленген. Ол – кәсіподақ мүшелеріне ұйым ұсынатын ақпарат пен қызметтерге ыңғайлы және оңай қол жеткізуді қамтамасыз ететін инновациялық құрал.
Ол жұмысшылардың қажеттіліктері мен мүдделерін ескере отырып жасалған.
Пайдаланушылар қысқа уақытта кәсіподақ өміріндегі соңғы жаңалықтарды, жаңартуларды және маңызды хабарландыруларды ала алады. Бұл ретте олардың еңбек құқықтарына, іс-шараларға және басқа кәсіподақ бастамаларына қатысты соңғы оқиғалар мен өзгерістерден ақпарат беріледі. Кәсіподақ серіктестері беретін жеңілдіктері туралы толық ақпарат алуға және жеңілдіктерді пайдалануға мүмкіндік береді.
Бағдат ҚАЗКЕНОВ.
