Балқаш қаласындағы «Қазақмыс» корпорациясының политехникалық колледжінде «JasSkills Kazakhmys-2023» кәсіби шеберлік чемпионаты өтті. Өз құзыретіндегі үздік атағы үшін Балқаш, Приозерск және Ақтоғай ауданының орта мектептерінен 9-сынып оқушылары бақ сынасты.
«JasSkills Kazakhmys-2023» мақсаты – оқушылардың кәсіби бағдарлануы мен олардың заманауи жұмысшы мамандықтарын игерулері үшін жаңа мүмкіндіктер жасау. Чемпионат төрт құзырет бойынша өткізіледі: «Дәнекерлеу ісі», «Электрмонтаж», «Слесарьлық-жөндеу жұмыстары» және «Металлургия».
Бірінші кезеңде 217 үміткердің ішінен қатысушы мектептердің әрқайсысында үздік деп танылған 74 қатысушы іріктелді. Екінші кезеңде конкурсанттар әртүрлі тапсырмаларды орындап, жұмысшы мамандықтарға деген қызығушылықтарын ескере отырып, құзыреттерді таңдады. Нәтижесінде 20 қатысушы чемпионаттың финалистері атанды.
Чемпионаттың шешуші кезеңінде қатысушылар 2,5 сағат бойы өздерінің кәсіби дағдыларын көрсетті. Барлық жүлдегерлер «Қазақмыс» корпорациясы мен Балқаш қаласының Жастар ресурстық орталығынан бағалы сыйлықтармен, арнайы жүлделермен және Құрмет грамоталарымен марапатталды.
«Қазақмыс» корпорациясы» ЖШС
баспасөз қызметі.
