«Аmanat» партиясы «Қазақмыс» корпорациясы» ЖШС жанындағы Ұлытау облыстық филиалы Республика күніне орайластыра «Транко Жез» ЖШС теміржолшыларының арасында шағын футболдан турнир ұйымдастырды.
Кәсіпорыннан ойынға 8 команда қатысты. Үздік шыққандарды «Аmanat» партиясы «Қазақмыс» корпорациясы» ЖШС жанындағы Ұлытау облыстық филиалының атқарушы хатшысы Асқар Нұржанов құттықтап, марапаттады.
– Ел егемендігінің алтын діңгегі – Республика күнін атап өту аясында спортты серік еткен теміржолшылардың футболдағы қарым-қабілетін айқындау мен ынталандыру мақсатында осы шағын турнирді қолға алып отырмыз. Сіздердің салауатты өмір салтын серік етудегі ұстанымдарыңызға алғыс білдіремін. Еңбектегі және спорттағы жетістіктеріңіз мол болсын, – деді Асқар Сембіғалиұлы.
Жарыс қорытындысында І орынды вагон қызметінің бірінші командасы, ІІ орынды қозғалыс қызметі командасы, ІІІ орынды вагон қызметінің екінші командасы алды. Сонымен қатар, үздік ойын көрсеткендерге арнайы номинациялар тағайындалды.
Сондай-ақ оқыңыз
Самат Жолдасбек «үздік ойыншы», Медет Кенжебек «үздік қақпашы», Ержан Иманжан «үздік қорғаушы» атанды. Жеңімпаз командалар мен жекелеген ойыншыларға партия филиалының атынан ақшалай жүлделер мен кубок табысталды.
Бағдат ҚАЗКЕНОВ.
