«Қазақмыс» корпорациясы» ЖШС «Жезқазғантүстімет» ӨБ құрамындағы құрылыс-монтаждау басқармасының ұжымының құрылысшылары да әз-Наурызды халқымыздың салт-дәстүріне сай атап өтті.
Басқарма басшылығы мен сервистік-өндірістік кешеніндегі «КәсіпҚорған» кәсіподағы комитетінің ұйымдастыруымен мейрамда ұлттық спорт түрлерінен еңбеккерлер өзара жарысқа түсті. Спорттық шара басталардан бұрын кәсіпорын директоры Дарқан Бейсембаев, кәсіподақ комитетінің төрағасы Серік Алтынбеков және тағы да басқа өндіріс майталмандары құттықтауларын жеткізді. Бәсекеге бел буған жігіттер қол күресті, кір тасын көтеру, қой көтеру, арқан тартыс сынды спорт түрлерінен күш сынасты. Ұжымдағы әз-Наурыздың көркін келтірген жарыста үздіктер топ жарып, ұйымдастырушылар атынан марапатқа ие болды.
Бағдат ҚАЗКЕНОВ
