Ел аумағы бойынша кен өндіру, байыту, металлургия және басқа да өндірістік құрылымдардағы еңбеккерлерді бір арнаға тоғыстырған «КәсіпҚорған» кәсіподағы қазіргі күні қанатын кеңге жайған ұйымға айналды.
Ұйымның ірі Жезқазған филиалы негізгі өндіріс ошақтары мен кейбір мекемелерде кәсіподақ комитеттерінің жұмысын ілгерілетуге баса мән беруде. Жақында филиалға қарасты Шығыс Жезқазған кеніші мен «Жыланды» кенішіндегі кәсіподақ комитетінің құрамын қайта сайлау бойынша жиын өтті.
Аталған кеніштердегі комитет төрағалары Манап Байдүйсенов пен Марат Мұратбеков комитет мүшелігіне сайланатын тұлғалардың кандидатурасын таныстырып, негізгі мақсат-міндеттерін атап өтті. Кәсіподақтың тұжырымдамасындағы көзделген шараларды жүзеге асыруда сайланған мүшелер комитет төрағасымен бірлесіп жұмыс атқармаққа бел буып отыр.
Бағдат ҚАЗКЕНОВ.
Сондай-ақ оқыңыз
