Елімізде 22 желтоқсанда мұрағатшылар өздерінің төл мерекелерін атап өтеді. Биылғы жылы кәсіби мереке «Ұлттық мұрағат қоры туралы» ҚР Заңының 25 жылдығына орайластырылды.
Осы оқиғаға орай «Ұлытау облысының мәдениет, тілдерді дамыту және архив ісі басқармасы» ММ өңірдің үздік мұрағатшылары мен мұрағаттары арасында байқау жа-
риялаған болатын.
Жеңімпазды іріктеудің негізгі критерийлеріне құжаттарды сақтау шарттары, олардың реттілігі және барлық стандарттар мен талаптарға сәйкестігіне баса мән берді. Ондаған үміткерлер арасында «Қазақмыс» корпорациясы» ЖШС ведомстволық мұрағатының қызметкерлері жеңіске жетті.
Атап өтейік, аталмыш байқау Ұлытау облысында алғаш рет өтті және мұрағатшылардың қор сақтаудағы еңбектеріне берілген оң баға десек болады. Халықтың тарихи жадын сақтаушы бола отырып, мұрағатшылар уақыт пен ұрпақтың берік байланысын қамтамасыз ете отырып, өңірдің дамуының құжаттық дәлелдерін сақтайды. Әлбетте онсыз болашақты құру мүмкін емес. Олардың өз мамандығына деген құштарлықтары ғана емес, сонымен қатар көп қырлы білім мен болашақ ұрпақ алдындағы жауапкершілік сезімін талап етеді. Бұл талап үдесінен «Қазақмыстың» мұрағатшылары шыға білуде.
«Қазақмыс» корпорациясы» ЖШС баспасөз қызметі.
