«Қазақмыс» корпорациясы» ЖШС «Жезқазғантүстімет» ӨБ қарасты құрылымдарда еңбек етіп, өндіріс пен өлкенің дамуына үлес қосып жүрген қыз-келіншектер 8 Наурыз – Халықаралық әйелдер күнінде құрмет төрінен көрінді.
Өндірістік бірлестіктің ғимаратында өткен салтанатты жиында «Жезқазғантүстімет» ӨБ Бас директоры Бауыржан Баймұқанов әріптестеріне жылы лебізін арнап, сый-сияпат тапсырды.
Еңбеккерлердің қорғанына айналған «КәсіпҚорған» кәсіподағы Жезқазған филиалының төрағасы Ақылбек Төлепбергенов аруларымыздың еселі еңбегіне алғысын жеткізіп, бір топ озатты кәсіподақ атынан ұлықтады.
