«Қазақмыс» корпорациясы» ЖШС Басқарма төрағасы Нұрахмет Нұриев Ұлытау облысы әкімі Берік Әбдіғалиұлына Кеңгір су қоймасының жағалауын, Қ. Сәтбаев атындағы алаңды және Жезқазған қаласындағы Иманжанов көшесі бойындағы бақжолды абаттандыру бойынша тұжырымдама мен эскиздік жобаларды таныстырды.
Нұрахмет Нұриевтің айтуынша, жобалар тұрғындар үшін қолайлы демалыс орнын құруды көздейді. Облыс әкімі Берік Әбдіғалиұлы өз кезегінде жергілікті ландшафттарды барынша сақтай отырып көгалдандыру мен суару мәселесін қарастыру қажеттігін атап өтті. Бұл жобалар «Қазақмыс» компаниялар тобы мен Ұлытау облысының әкімдігі арасында қол қойылған өзара түсіністік және ынтымақтастық меморандумы шеңберінде іске асырылатын болады.
Құжатқа сәйкес, компания Жезқазған, Сәтбаев қалаларында жәнеҰлытау ауданында жалпы сомасы 35 млрд. Теңгеге ондаған жобаны іске асыруда. Меморандум аясында алдағы жылдары өңірде әлеуметтік-мәдени нысандар, оныңішіндеденешынықтырусауықтырукешені, Жезқазған қаласындағы қала жағалауы мен балабақша құрылысы, Сәтбаев қаласында емхана мен травматологиялық пункт салынады. Сондай-ақ, «Қазақмыс» Кеңгір су қоймасының жағасындағы құрылысы ұзаққа созылған мешітті аяқтайтын болды. Меморандумның негізгі мақсаты Ұлытау облысының инфрақұрылымы мен абаттандырылуын дамытуда тараптардың өзара қолдауы мен белсенді ынтымақтастығын нығайту болып табылады.
«Қазақмыс» корпорациясы» ЖШС баспасөз қызметі.
