«Қазақмыс» компаниясының жұмысшылары азық-түлік пен азық-түлік емес тауарлардың негізгі түрлеріне айына қанша қаражат жұмсайтынын арнайы комиссия ай сайын анықтайды.
Жұмысшылардың әлеуметтік-экономикалық жағдайын бақылаудағы объективтілік үшін комиссия құрамына «Қазақмыс» корпорациясы» ЖШС, «Kazakhmys Smelting» ЖШС және Отын-энергетика кешенінің өкілдері енгізілді.
Ай сайынғы бағаны талдау бір адамға да, тұтастай алғанда отбасына да азық-түлікті тұтынудың ғылыми негізделген нормаларын негізге ала отырып, тұтынудың ұтымды нормалары бойынша шығындарды есептей отырып, негізгі тамақ өнімдерінің 64 атауы бойынша қатысушы қалалардың неғұрлым танымал және қолжетімді сауда нүктелерінде жүргізіледі. Бұл ретте отбасы шығындарын дәл айқындау үшін отбасы мүшелерінің демографиялық көрсеткіштері (жынысы, жасы) да, еңбегінің ауырлығы да ескеріледі.
Комиссия жинаған мәліметтерге сәйкес, 2022 жылдың желтоқсаны мен 2023 жылдың желтоқсаны аралығында негізгі азық-түлік себетіне, азық-түлік емес тауарлар мен қызметтерге шығындардың өсуі 5,1%. болды. Осылайша, 2023 жылдың желтоқсанында 1 адамға шаққандағы шығын 128 217 теңгені құрады (өткен жылы 122 016 теңгеге қарсы). Оның ішінде негізгі азық-түлік өнімдеріне жұмсалатын шығын – 70 519 теңге (67 109 теңгеге қарсы)
Сондай-ақ оқыңыз
Бұл бағаның өсуін теңестіру үшін 2024 жылдың басынан «Қазақмыс» еңбеккерлерінің жалақысы 7%-ға көтеріледі. Бұл өсім мамандық пен лауазымға қарай сараланып жүзеге асырылады.
«Қазақмыс» корпорациясы» ЖШС баспасөз қызметі.
