Қазақстан Үкіметінің резервінен Ұлытау облысының бюджетіне 1,5 млрд теңге бөлу туралы тиісті қаулыға Премьер-министр Олжас Бектенов қол қойды.
Қаржыландыру «Жезқазған қаласының ТМ11 жылу желілерін реконструкциялау мен жаңғырту» жобасының 2-кезегін іске асыруға бағытталмақ. Бұл қаражат 2024 – 2025 жылдардағы жылыту маусымының іркіліссіз өтуін қамтамасыз етуге, жұмыстарды мерзімінен бұрын аяқтауға мүмкіндік беріп отыр.
Айта кетейік, Ұлытау облысындағы жылумен жабдықтау желілерінің жалпы ұзындығы 639 шақырымды құрайды. Сонымен қатар бүгінде тозу деңгейі – 58 %. Желілердің негізгі бөлігі 1951 жылдан бастап пайдалануға берілді.
Жезқазғанда қалалық жылу желілерінің ұзындығы 398 шақырымды құрайды. Қазіргі уақытта барлық магистральды жылу желілері жаңғыртылған. Сонымен қатар Жезқазған қаласының жаңадан салынып жатқан Батыс ауданына магистральды жылу желілері тартылуда.
Сондай-ақ оқыңыз
