Жезқазған аймағындағы «Қазақмыс» корпорациясы» ЖШС еңбеккерлерінің балаларына тау-кен, металлургия және аралас өндіріс еңбеккерлерінің «КәсіпҚорған» кәсіподағының Жезқазған филиалы жыл сайын жаңажылдық шырша кешін ұйымдастырып келеді. Филиал биыл да сол дәстүрінен жаңылмай, аймақ бойынша 10 мыңнан аса балаға қуаныш сыйлады.
Жасыл шырша маңына жиылған балалар Жаңа жылды көтеріңкі көңіл-күйде қарсы алды. Аяз ата мен Ақшақар, ертегі кейіпкерлері балақайларға шаттық сыйлады. Әрбір кәсіпорынның жаңажылдық шырша тойы өз ерекшелігімен балалардың көңілінен шықты. Жылан жылын қарсы алар тұста балақайларды қуанышқа кенелткен «КәсіпҚорған» кәсіподағына ата-аналар да алғысын айтып жатты.
Бағдат ҚАЗКЕНОВ.
