Алматыда «Қазақмыс» компаниялар тобы қызметкерлерінің командалары арасында I қысқы Спартакиада өтті. Жарыс екі күн, яғни, ақпанның 28 және 29 күндері ұйымдастырылды. Спартакиадаға бұрын өз ұйымдарында іріктеу турнирлерінен өткен 300-ден астам спортшы қатысты. Ауқымды шараны «Қазақмыс» корпорациясы» ЖШС ұйымдық даму және персоналды басқару жөніндегі директоры Евгений Козак ашып берді.
– Спорт – қызметкерлердің бір-бірімен танысуына, ептілік пен дене қасиеттерін көрсетуіне мүмкіндік беретін бірегей шара. «Қазақмыс» компаниялар тобының спорт саясатын талқылау барысында сіздер ұсынған спорт түрлерін біз белсенді түрде дамытамыз. Бүгін сіздерге қауіпсіз ойын және жақсы көңіл-күй тілеймін, – деді Евгений Козак.
Жарысқа «Қазақмыс корпорациясы» ЖШС «Қазақмыс Смэлтинг» ЖШС, «Қазақмыс Энерджи», «Қазақмыс» корпорациясы» ЖШС филиалы Ғ. Омаров атындағы шахтапроходкалау тресі, «Қазақмыс Барлау» ЖШС, «Қазақмыс Мэйнтенанс Сервисиз» ЖШС, «Мэйкер» ЖШС -нен барлығы 14 топ қатысты.
Екі күн бойы «Қазақмыс» спортшылары шағын футбол, үстел теннисі, шахмат және шаңғы жарысында бақ сынады. Топтарды арнайы шақырылған кәсіби төрешілер бағалады.
Жарыс қорытындысында шағын футбол бойынша: «Қазақмыс» корпорациясы» ЖШС «Жезқазғантүстімет» ӨБ топ жарды. Шахмат жарысында «Жезқазғантүстімет» өндірістік бірлестігінің еңбеккерлері Таңат Дүйсентегі, сырлаушы Әсем Ескендірова және слесарь-жөндеуші Мейрамбек Күбенов топтасқан топ жеңіс тұғырынан көрінді.
Үстел теннисі бойынша «Топар ГРЭС» ЖШС-нен Михаил Лелеко Евгений Тимофеев және Кристина Стрельцовадан жасақталған топ көш бастады.
Шаңғы жарысы бойынша «Мэйкер» ЖШС-нен Владимир Синельников, Нұрғазы Абзалбек пен Юлия Кузнецовадан құралған топқа тең келер ешкім болмады.
Шаңғы жарысында әйелдер арасында жеке есепте «Мэйкер» ЖШС-нен Юлия Кузнецова І орынды, «Қазақмыс Дистрибьюшн» ЖШС намысын қорғаған Гүлнұр Дүйсенбекова ІІ орынды, «Балқаштүстіметалл» ӨБ-нен Әсем Дәрімбекова ІІІ орынды иеленді.
Ерлер арасында «Қарағандытүстімет» ӨБ-нен І орын Мұхаммед Егінбайға, ІІ орын «Қазақмыс Смэлтинг» ЖШС (Жезқазған қаласы) Нұрболат Қалахметовке, ІІІ орын «Қазақмыс Смэлтинг» ЖШС (Балқаш қаласы) Айбол Ақмысқа бұйырды.
Футболда «Үздік ойыншы» аталымына «Қазақмыс Barlau» ЖШС-інен Еркін Мыңбаев лайық деп танылды. «Қазақмыс Мэйнтенанс Сервисиз» ЖШС-нің еңбеккері Әшім Сұлтанәли «Үздік қорғаушы» атанды. «Топар ГРЭС» ЖШС-нен Андрей Першин «Үздік қақпашы» атағына қол жеткізді.
Жалпы командалық есепте «Жезқазғантүстімет» ӨБ спортшылары жеңімпаз деп танылды. ІІ орынды «Қазақмыс» корпорациясы» ЖШС-нің командасы иемденсе, ІІІ орын «Қазақмыс Смэлтинг» ЖШС спортшыларына бұйырды.
Спартакиада жеңімпаздары кубоктармен, медальдармен, дипломдармен және бағалы сыйлықтармен марапатталды.
«Қазақмыс» корпорациясы» ЖШС баспасөз қызметі.
