«КәсіпҚорған» кәсіподағының Жезқазған филиалы аймақ намысын түрлі спорттық жарыстарда, мәдени шараларда қорғап жүрген азаматтарға қолдауды жалғастырып келеді.
Жақында филиал төрағасының ұйғарымымен Сәтбаев қаласындағы балалар мен жасөспірімдер спорт мектебінің «Қасқыр» хоккей клубындағы жас хоккейшілеріне спорттық жабдықтар сыйға тартылды. Жас хоккейшілердің аталған спорт түріне деген қызығушылығын арттырып, ынталандырған «КәсіпҚорған» кәсіподағы Жезқазған филиалына «Қасқыр» клубының жаттықтырушылары мен жас өрендері ризашылықтарын білдірді. Филиал төрағасының орынбасары Сержан Жақсыбеков жас хоккейшілерге спорттық додаларда үнемі алдыңғы қатарда болуларына тілектестігін білдірді.
Спортқа қолдау бар жерде оның жанданып, дамитынын бағамдаған филиал ұжымы спортшыларға қашанда демеу болуға дайын.
Бағдат ҚАЗКЕНОВ.
