Дүниежүзілік еңбекті қорғау күніне орайластырылған байқаулар легі Балқаш өндірістің алаңында да жалғасын тапты.
«Қазақмыс Смэлтинг» ЖШС Балқаш мыс балқыту зауытындағы «КәсіпҚорған» кәсіподағы комитеті мысты электролиздеу цехы жұмысшылары арасында «Кәсібінің үздігі» байқауын ұйымдастырды.
Байқау үш кезеңде өтті. Атап айтқанда, кәсібі және техника қауіпсіздігі бойынша сұрақтарға жауап беру және практикалық тапсырманы орындау.
Арнайы тағайындалған қазылар алқасы қатысушылардың ішінен үздігін анықтады. Байқаудың барлық кезеңдерінен мүдірмей өткен Ерлік Балағанов І орынды жеңіп алды. ІІ орынның жүлдесі Тілектес Әбдіғұловқа бұйырса, Әділхан Оспанбеков ІІІ орынның жүлдесін қанағат тұтты. Сондай-ақ, Жаслан Тілеулиевке байқауға белсене қатысқаны үшін алғыс жарияланды.
Сондай-ақ оқыңыз
Бағдат ҚАЗКЕНОВ.
