Жезқазған өңірінде мыс балқымасының алынып, оны ел игілігіне жаратуда ерен еңбек жасаған көнекөз қарияларымыздың да қатары жыл өткен сайын сиреп барады.
Жезқазған мыс қорыту зауытының іргетасын қаласып, шаңырағын тіктеткен түсті металлургия саласының ардагері Нығымет Ілиясов бүгінде тоқсаннан асып отыр. Ардақты ардагерді «Қазақмыс Смэлтинг» ЖШС Бас директоры Жәнібек Байғабелов бастаған ұжым назардан тыс қалдырып көрген емес.
Қарияға қолұшын созып, қолдау көрсетуде Жезқазған мыс қорыту зауытының ұжымы үнемі қасынан табылып келеді. Ардақты ақсақалдың шаруашылығын реттестіруде де зауыттың жігіттері сауапты істерге атсалысып жүр. Ауласындағы қарын тазалап, ұсақ-түйек істерін ың-шыңсыз атқарған ұжымға қарияның ақ батасы толассыз ақтарылады.
– «Ортамыздағы ардагеріміз» деп келіп, шаруашылығыма көмек қолын созған Жезқазған мыс қорыту зауытының жігіттеріне, осы игілікті іске бастамашы болып жүрген «Қазақмыс Смэлтинг» ЖШС басшылығына алғысым шексіз. Балаларым ғұмырлы болсын. Еңбектерінің жемісін көріп, біздің ісімізді лайықты жалғастыра берсін, – деді ардагер металлург.
Сондай-ақ оқыңыз
Бағдат ҚАЗКЕНОВ.
