Балқаш өндіріс аймағындағы мыс балқыту зауыты – еліміздің түсті металлургия саласындағы алыптардың бірі. Зауыт ұжымының сары мыс сапырған ерен еңбегі тұтас өңір экономикасының тірегіне айналып отыр. Мұнда бірнеше цех үздіксіз жұмыс жасап, өндірістің өрісін кеңейтуде.
Солардың ішінде шихта дайындау цехының алар орны ерекше. Байтас Сүлейменов басшылық жасайтын ұжым биылғы жылдың жоспарын межелі міндетке жеткізу жолында тынымсыз еңбек етуде.
