Өткен аптаның соңында Сәтбаев қалалық жылумен, сумен жабдықтау кәсіпорнының мәжіліс залында кәсіпорын жұмыскерлерін зейнетке шығарып салу салтанаты болды.
Бұл дәстүрлі шараға кәсіпорынның бас инженері Ш. Жакенов пен «КәсіпҚорған» кәсіподағы бастауыш ұйымының төрағасы Ө. Ақышов қатысты.
Салтанатты шарада «Кәсіп Қорған» кәсіподағы бастауыш ұйымының төрағасы Өмірәлі Ақышев кәсіпорынға қарасты су құбыры және кәріз цехының жөндеуші слесарі Сейтазим Ибраевқа, авариялық-қалпына келтіру жұмыстарының слесарі Сайранбай Дауеновке, электр жабдықтарын жөндеу және қызмет көрсету жөніндегі электромонтер Қадыр Аяғановқа, өндірістік және қызметтік үй-жайларды тазалаушы Гүлзада Мырзахметоваға «Кәсіп Қорған» кәсіподағының Алғыс хаты мен естелік сыйлықтары табыс етті.
Аманкелді АҚШАЛ
Сондай-ақ оқыңыз
