Ұлытау облысында жыл сайын республикалық деңгейде ұйымдастырылатын «Үздік ауыл әкімі» байқауының өңірлік кезеңі алғаш рет өтті.
Президент Қасым-Жомарт Тоқаев Қазақстан халқына Жолдауында «Халық үніне құлақ асатын мемлекет» тұжырымдамасы негізінде халықтың мұң-мұқтажына құлақ асып, түйткілді мәселені шешуде жергілікті биліктің рөлі аса маңызды екенін айтқан болатын. Мұндай тетікті қалыптастырып, халықпен етене жұмыс жасауда ауыл әкімдерінің рөлі айрықша.
Ауыл әкімдерінің іскерлік дағдысын нығайту мен кәсіби шеберлігін шығдау мақсатында ұйымдастыралтын байқауға биыл облысымыздан өңірлік кезеңге Ұлытау ауданы Борсеңгір ауылының әкімі Бауыржан Әлімбек, Жаңаарқа ауданы Жаңаарқа кентінің әкімі Мейрам Қуанышбеков және Жаңаарқа ауданы Түгіскен ауылдық округінің әкімі Саят Салкебаев қатысты.
Байқауға қатысушы – ауыл әкімдерінің жұмыстарын саралап, алдағы даму жобаларының негізінде конкурс жеңімпазы анықталды.
Жеңімпазды анықтау барысында ауыл әкімінің алдағы уақытта атқаратын жұмыс жоспарын қарап қана қоймай, ауылдың, халықтың тұрмыс жағдайын жақсартуға бағытталған тың жаңашыл жобаларына да баға берілді.
Осы орайда, ұсынылған жобалардың ішінде үздік деп танылып, одан әрі ауыл берекесінің дамуына үлкен септігін тигізіп, қарқынды даму үстінде жұмыс істейді деген мақсатпен Жаңаарқа ауданы Түгіскен ауылдық округінің әкімі Салкебаев Саят Смағұлұлы республикалық кезеңге жолдама алды. Сондай-ақ, байқауға қатысушылар Департамент басшысының Алғыс хатымен марапатталды. Алдағы уақытта ауыл әкімдерінің жобаларын іс жүзінде жүзеге асыруға Ұлытау облысы әкімдігімен бірлесіп жұмыс жүргізіледі.
Облысымыздың намысын республикалық кезеңде қорғайтын Саят Салкебаевқа сәттілік серік болып, жеңімпаз атануына тілекшіміз!
Бағдат АЙТӨРЕҰЛЫ.
