Төлеген Нұрмағамбетұлы – Жезқазғанның тумасы. Әкесі Нұрмағамбет Әбубәкірұлы Рудникте шахтада жұмыс істеген. 1937 жылдың зобалаңына ілігіп, 10 жылға сотталып, Сібірдің «ит жеккеніне» айдалғані. Кесімді мерзімін өтеп, аман-есен елге оралған. Жезқазған жылу-электор орталығында зейнеткерлікке шыққанша жұмыс істеген. Төкеңнің анасы Жанымкүл –. он балаға өмір сыйлаған алтын құрсақты Батыр ана..
Жезқазғандағы №8 қазақ орта мектебін бітірген Төкең Отан алдындағы азаматтық борышын өтеп, еңбек жолын Жезқазған мыс заводының балқыту цехында пештер мен газ жүретін құбырларды тазалаушы болып бастайды. Сосын Қазақ политехникалық институтын инженер-металлург мамандығы бойынша бітіреді.
Жезқазған мыс заводында балқытушы, ауысым шебері, учаске және цех бастығы, завод директорының орынбасары болып істейді. «Жезқазған сирек металл» мемлекеттік кәсіпорнында атқарушы директор, бас директор, «Қазақмыс» корпорациясында бас металлург, бөлім бастығы, өндіріс жөніндегі директордың орынбасары, гидрометаллургия жобалау тобында инженер-металлург болады.
«Құрамында ренийі бар аммиак-сульфатты ертіндісінен осмий алудың технологиясын зерттеу және дайындау» тақырыбында кандидаттық диссертация қорғайды. 16 ғылыми жұмысы патенттелген, 57 ғылыми еңбегі отандық және шетелдік басылымдарда жарияланған.
Сондай-ақ оқыңыз
Жзқазған кен-металлургия комбинаты кәсіподақ комитеті төрағасының орынбасары, мыс қорыту заводы партия комитетінің хатшысы, Жезқазған қалалық Кеңесінің депутаты және комитет төрағасы, Жезқазған қалалық «Қазақ тілі» қоғамының төрағасы болған.
Қазір «Қазақтың Кетбұқасы» қоғамдық бірлестігінің төрағасы және «Қазақмыс» орпорациясы жанындағы Ардагерлер кеңесінің төрағасы.
Жезқазған қаласының және Қарағанды облысының Құрметті азаматы. «Еңбек даңқы» төсбелгісінің толық иегері. Қазақстанның Құрметті металлургі.
