Көлік қызметкері күніне орай «Транко Жез» және «Tranco industrial railway transportation» ЖШС еңбеккерлері арасында шағын футболдан жарыс өтті. Оған «Транко Жез» ЖШС «КәсіпҚорған» кәсіподағы комитеті мен «Jastar Bolashaq» Жастар одағы ұйытқы болды.
Ала доп бәсекесіне жасақталған командалар арасында үздігін анықтау мақсатында ұйымдастырылған турнирде кубок пен Балқашта өтетін жарысқа жолдама сарапқа салынды.
Іріктеліп, топ жарып шыққан командалар арасында І орынды «Вагонник» командасы жеңіп алды. ІІ орынның тұғырына «Қозғалыс-2» командасы тұрақтаса, ІІІ орынмен «Қозғалыс-1» командасы марапатталды. IV орынды «Весовой» командасы місе тұтты.
Ойын барысында ерекше көзге түскен Мейрхан Манақбаев «Үздік қақпашы» номинациясын иеленсе, Ержан Иманжан үздік қорғаушы атанды. Әсет Мағзұмовқа «Үздік шабуылдаушы» номинациясы лайық деп танылды.
Сондай-ақ оқыңыз
Сала мамандарының кәсіби мерекесі қарсаңында өтетін Балқаштағы ала доп бәсекесіне жолдама алған команда Жезқазғанның намысын қорғайтын болады.
Бағдат ҚАЗКЕНОВ.
