Елорда күні мерекесіне арналған салтанатты жиынды осылай әспеттесе болғандай. Шығыс Жезқазған кенішінде жеті қат жер астында кен өндірген кеншілер мен қарапайым еңбек адамының даңқын асырған бұл шараны кеніш әкімшілігі, «Казпрофметалл», «КәсіпҚорған», «Еңбек» кәсіподақтары мен «Қазақмыс Корпорациясы» еңбеккерлерінің «JastarBolashaq» Жастар одағы және «Әділетті жол» қоғамдық бірлестігі ұйымдастырды.
Салтанатты жиында сөз алған кеніштің бас инженері Дархан Әбдіқасов, «Казпрофметалл» кәсіподағының төрағасы Бағлан Мырзаханов аға буын өкілдері электровоз машинисі Николай Петров пен тау-кендиспетчері Ирина Владимироваға «Еңбек ардагері» медалін тақты. Анненск шахтасының басшысы Аслан Әбжаппаров екінші дәрежелі «Кенші даңқы» төсбелгісіне, аталған шахтаның шеберлері Жанәлі Қоңыратбаев, Айдос Жартыбаев, №55 шахтаның телім басшысының орынбасары Талғат Әбдірахманов, №57 шахтаның тау-кеншебері Дәуренбек Орысбаев үшінші дәрежелі «Кенші даңқы» төсбелгісіне ие болды.
Мұнан кейін марапаттау рәсімін «КәсіпҚорған», «Еңбек» кәсіподақтары жалғастырды. «КәсіпҚорған» Жезқазған филиалы төрағасының орынбасары Сержан Жақсыбеков Елорда күнінде марапатқа ие болған кеніш еңбеккерлері Мағжан Әбеевке, Еділ Байтанатовқа, Нүркен Сапаровқа кен өндірісін өркендетудегі үлестеріне алғыс айтып, филиал атынанмарапаттады.
Жалынды жастардың қолдаушысы болып жүрген «Jastar Bolashaq» Жастар одағының төрағасы Луиза Мыңбаева, «Әділетті жол» қоғамдық бірлестігінің төрағасы Асылбек Қойлыбай үздіктерге сый-құрмет көрсетті.
Бригадирлер кеңесінің ұйғарымымен биылғы жылдың 6 айында үздік көрсеткішке ие болған еңбек ұжымдары анықталған болатын. Жиында сол жеңімпаздарға марапат тапсырылды. «Үздік бригада» аталымында үшінші орынды Анненск шахтасы №84 телімнен Айдын Жаткеевтің бригадасы иеленсе, екінші орынды №55 шахтасы №70 телімдегі Асқар Қожамсейтовтің бригадасы еншіледі. Бірінші орынның марапатын №57 шахтаның №2 телімінен Нұрболат Естаевтың бригадасы жеңіп алды.
Сондай-ақ оқыңыз
«Үздіктелім» аталымында Анненск шахтасындағы Айтмағанбет Мұқанов басшылық жасайтын №85 телім, №55 шахта бойынша Азамат Байсалбаевтың басшылығындағы №54 телім мен №57 шахтадан Бекзат Сәрсенбековтің жетекшілігіндегі №15 телім үздік деп танылды. Озат ұжымдарға ақшалай сыйақы табысталды.
Бағдат ҚАЗКЕНОВ.
