Өткен сәрсенбіде ІІІ Республикалық «Шәкәрім оқулары» байқауының облыстық кезеңі өтті.
Облыстық әмбебап кітапхананың ұйымдастыруымен өткен бұл Шәкәрім оқуларының облыстық кезеңіне 18 оқушы қатысты. Шәкәрім шығармашылығын насихаттау мақсатында дәстүрлі түрде өтетін байқау «Талап», «Білім», «Таза ақыл» атты үш кезеңнен тұрды. Қазылар алқасының шешімімен облыстық кезеңнің ақтық сынында 5 оқушы бақ сынады. Олар шешуші сайыста Шәкәрім өлеңдеріндегі терең ойға талдау жасады.
Байқау қорытындысы бойынша Ұлытау ауданының намысын қорғаған Кәусар Молдағалиева бас жүлдені иеленіп, республикалық додаға жолдама алды.
Айта кетейік, Шәкәрім оқулары байқауының республикалық кезеңі 27 наурызда Астана қаласында өтеді. Байқаудың барлық қатысушыларына алғыс хаттар мен сый-сияпаттар табыс етілді.
Гүлім МАРАТҚЫЗЫ.
