Қазақстан түсті металлургиясының қарашаңырағы Қарсақбай металлургия зауыты жабылады деген әңгіме соңғы кезде тез жайылып, бар өмірін өндірісті өлкемен байланыстырған жұртшылық қатты алаңдап қалып еді. Алайда, «Қазақмыс» корпорациясы» ЖШС Басқарма төрағасы Нұрахмет Нұриев бұған қарама-қарсы жағымды жаңалығымен бөлісті.
Бұл жөнінде сүйінші хабарды «КәсіпҚорған» кәсіподағының төрағасы Ерболат Сатыбалдин жеткізді. Оның айтуынша, Басқарма төрағасының кәсіподақ төрағаларымен кездесуден соң оңаша әңгімеде Нұрахмет Қанатұлы Қарсақбай кенті туралы корпорация басшылығыныңжаңа ұстанымдарымен бөліскен. Атап айтқанда, ел ішіне жайылған әңгіме басқа да, шын мәніндегі жағдай мүлдем өзге қалыпта. Тәуекелдерді мұқият талдағаннан кейін «Қазақмыс» корпорациясында кентке жаңа өмір сыйлау туралы шешім қабылданған!
Нұрахмет Қанатұл ыҚарсақбай металлургия зауытында өндірілетін өнім көлемін жылына 100 мың тоннаға дейін арттыру жөніндегі жоспарымен бөлісті. «Қазақмыс» кенттегі бөгетті, көпірді, инженерлік және электр желілерін жөндеуді өз мойнына алмақшы. Жаңа әлеуметтік маңызы бар нысандар салу қарастырылуда.
Ең бастысы, Нұрахмет Қанатұлы техникалық колледждерде және облыста ашылатын Халықаралық университетте оқитын студенттер үшін кентті еңбек айлағына айналдыруды көздеп отыр. Егер мұнда студенттік қалашық ашылатын болса, кішкентай Қарсақбайдың қалай түлейтінін көз алдыңызға елестете беріңіз, жастар жүрген жер қашанда озық білімге ұмтылудың тірегі емес пе?!
– «Қазақмыс» корпорациясы» ЖШС Басқарма Төрағасы Н. Нұриевпен болған кездесу шын мәнінде өте қызықты әрі мазмұнды болды, – дедіЕрболатЖалғасбайұлы бізбен әңгімесінде. – Жезқазған мен Сәтбаев қалаларын алда дамытудың көптеген, дәлірек айтсақ, бас айналдырар жобалары тұр! Енді бұл жөнінде келесіде айтармыз…
Қуаныш құтты болсын, қарашаңырақ жұрты! Бір кезде қазақтың даңқты перзенті, данышпан ғалым Қаныш Имантайұлы Сәтбаев ашып бергенен байлықты ел игілігіне айналдырып келе жатқан өндірісті өңірдің екінші, жаңа тынысқа ие болар күндері алда деп білейік.
Төлеш АСАНОВ.
