Сан ғасырлық тарихы қалыптасқан металлургияның отаны ретінде танылған қасиетті Ұлытау өңірінде балқыма ісі бүгінде жаңа дәуірмен үндестік тауып, заманауи технологияның арқасында өркендеуде.
«Қазақмыс» сынды алыптың кен өндіру және байыту өндірісіне қажетті жабдықтарды аса шеберелікпен дайындайтын құю-механикалық зауыты жарты ғасырдан аса сапалы өнім шығарып қана қоймай, еңбек өнімділігін де арттырып отыр. Металлургияның мәйегіне айналған зауыттың әр үлгіде болат құю цехы – өндіріс нысанының негізгі тірегі.
