Кенішке – жаңа кешен

Жоба жетекшісі Нұрлан Мырзабековтың айтуынша, «Нұрқазған» кеніші өнімділігінің 6,5 млн. тоннаға дейін артуына байланысты қосымша қызметкерлерді тарту және тиісінше 1200 орындық жаңа әкімшілік-тұрмыстық кешен салу қажеттілігі туындады.
Қазіргі уақытта кәсіпорында 726 адам жұмыс істейді. Жобаның негізгі мақсаты – ыңғайлы, заманауи еңбек жағдайларын жасау және «Қазақмыс» корпорациясы қызметкерлерінің денсаулық қауіпсіздігін қамтамасыз ету.
Кешен құрылысында конструктивтік және сәулеттік шешімдер саласындағы жаңа әзірлемелер қолданылды. Кешеннің құрылысында ұсақ-түйекке дейінгі әрбір бөлшегі қызметкерлер үшін ыңғайластырылып орындалатын болады. Жобада әкімшілік корпус, тұрмыстық корпус, асхана, заманауи бақылау-өткізу пункті және кешеннің тіршілік әрекетін қолдау үшін барлық қажетті нысандар ескерілген.
Әкімшілік кешен бейне байланысы бар конференц-залмен, жұмыс орнының эргономикасын ескеретін кабинеттермен, кеңсе кеңістігі менеджменттің ашықтығын көрсететін және ұжымның өзара іс-қимылының тиімділігін арттыратын open space қағидаты бойынша жобаланады.
Тұрмыстық кешен қызметкерлер үшін барынша ыңғайлы өту логикасына сәйкес ойластырылған және бірнеше аймақтан тұрады: дербестендірілген, жеке және автоматтандырылған шкафтары бар арнайы киімді ауыстыру аймағы, себезгі және сауна аймағы, дербестендірілген жеке ұяшықтары бар арнайы киімді ауысымаралық және маусымаралық сақтау аймағы, кір жуу аймағы, таза киім беруге арналған аймақ, сондай-ақ жұмыскерлерге уақтылы білікті медициналық көмек көрсету үшін жаңа жабдықпен жабдықталған медициналық бекет қарастырылған.
Асхана автоматтандырылған кіру жүйесі бар және 120 орынға есептелген. Дәмді және пайдалы тағам дайындау үшін асхана заманауи өнеркәсіптік ас үй жабдықтарымен жабдықталған.
Ең бастысы әкімшілік-тұрмыстық кешеннің қауіпсіздігіне кәсіпорында қызметкерлердің кіруін бақылау мен басқарудың автоматтандырылған жүйесі жауап беретін болады.

«Қазақмыс» корпорациясы» ЖШС әлеуметтік желісінен.