«Батыс» кенішіндегі «КәсіпҚорған» кәсіподағы комитеті еңбеккерлер арасында қысқы балық аулау жарысын ұйымдастырды.
Жарыс барысында қатысушылардың қармаққа ілінген балықтарының санына емес, салмағына басымдық берілді. Сонымен қатар, бірінші қармаққа балық іліктіргендерге арнайы жүлде табысталды.
Жарыс қорытындысында І орынды Руслана Слюсарь жеңіп алса, ІІ орынды Марат Ілиясов еншіледі. ІІІ орынның жүлдесі Сәкен Біржановқа бұйырды. «Бірінші балық аулаушы» номинациясы Ержан Кентаевтың үлесіне тисе, үлкен балық аулаған Амантай Увайділдиновке «Үлкен балық» номинациясы бұйырды. Жарысқа қатысушылар табиғат аясында балық аулап, бір серпіліп қалғандарын айтып тарқасты.
Бағдат ҚАЗКЕНОВ.
