Қарағанды аймағындағы «Нұрқазған» байыту фабрикасының ұсақтау цехының қуатын арттыру мақсатында жақында жаңа екі бірдей телім іске қосылды. Осы арқылы фабриканың өнім өндіру көлемін алдағы жылдары 4 млн 500 тоннаға жеткізу көзделіп отыр. «Қазақмыс» компаниясы 42 млн. доллар көлемінде қаржы бағыттаған.
Құрылысты «Алтын алмаз инженеринг» компаниясы іске асырды. Телімдегі «Metso» компанияның «Metso GP 500» ұсақтау қондырғыcынан бір данасы бірінші сатыда кен ұсақтаса, «Metso HP500» жабдығынан алынған екінші данасы екінші санатты ұсақтауды жүзеге асырады.
Майдалап ұсақтау қондырғысынан алынған «Metso MF3085-2» технологиясы фабриканың толық көлемге шығуына ықпал жасайды. «Нұрқазған» байыту фабрикасын дамыту 2050 жылға дейін қарастырылған. Бүгінгі таңда кендегі мыстың құрамы 91 пайызды құраса, келешекте фабрикаға алынатын үш жаңа технологияның арқасында оның деңгейін 94-95 пайызға дейін жеткізу мүмкіндік тумақ.
Бағдат ҚАЗКЕНОВ.
