Қажырлы да қайратты еңбектерімен өнеркәсіп орындарын, тұрғын үйлер мен әлеуметтік маңызды нысандарды тәулік бойына электр, жылу энергиясымен қамтамасыз етуде еңбегі ерен Жезқазған жылу, электр орталығының энерегтиктеріне кәсіби мерекеде құрмет көрсетілді.
Орталық әкімшілі мен «КәсіпҚорған» кәсіподағы ұйытқы болған шарада кәсіпорын директоры Мадияр Алтыбаев әріптестерін төл мерекелерімен құттықтап, бірқатар сала мамандарына «Тәуелсіздікке – 30 жыл» мерекелік медалін табыстады. Сонымен қатар, Ермек Жұмақанов, Мәлік Төлепов, Александр Брецко, Александр Калашников, Борис Кислов «Құрметті энергетик» төсбелгісімен марапатталды.
Салтанатты жиында орталықтың мамандарына Қазақстанның Электр энегриясы Ассоциациясының, «Қазақмыс Холдинг» ЖШС Директорлар кеңесі төрағасының және Қарағанды облысы әкімінің Құрмет грамотасы тапсырылды.
Еңбек адамының қолдаушысы да қорғаушысы да болып табылатын «КәсіпҚорған» кәсіподағы төрағасының Құрмет грамотасы мен Жезқазған филиалы төрағасының Алғыс хатын филиал төрағасының орынбасары Сержан Жақсыбеков табыстап, энергетиктерге алғысын білдірді.
Сала мамандарына деген құрметін орталықтағы «КәсіпҚорған» кәсіподағы комитетінің төрағасы Марат Қошанов, «Қазақмыс» корпорациясы» ЖШС еңбеккерлерінің «Jastar Bolashaq» жастар одағы төрағасының орынбасары Қайрат Сәкенов жеткізіп, сый-сияпат табыстады.
Бағдат ҚАЗКЕНОВ
