Еліміздің экологиялық ахуалын жасқартып, қоршаған ортаны ластанудан қорғауға бастама болған «Таза Қазақстан» акциясы биыл көктемде бастауын алып, өңірлерде жалғасын табуда. Бұл акция аясында Ұлытау облысында да қоршаған ортаны қоқыстан арылтып, абаттандыру жұмыстары жүргізілді. Әлі де жалғасып келеді.
«Таза Қазақстан» акциясына үн қосып, туған жерді гүлдендіруден «Қазақмыс» корпорациясы да қалыс қалып отырған жоқ. Корпорация Сәтбаев қаласы әкімдігімен бірлесіп жаңа жобаны қолға алды. Жасыратыны жоқ, қазіргі күні демалыс орындарында, қала көшелерінде пластикалық құтыларды ретсіз тастап кету көбейді. Ішкен сусынның құтысы біреулерге қоқыс ретінде көрінбеуі мүмкін, алайда оның қоршаған ортаға зияны барын ескергеніміз жөн.
Пластикалық құбырлардың шіру құбылысы ұзақ болғанымен, оның зияны болашақта қоршаған ортаны, көл, өзенге тасталғандары ондағы тіршілік иелеріне зиянын тигізетінін ғалымдар дәлелдеп отыр. Сондықтан, корпорация мен Сәтбаев қаласы әкімдігінің «5 бөтелке өткіз де, 1 балмұздақ ал» акциясы қолға алынып отыр.
Ол тамыздың 17 – 18 күндері Сәтбаев қаласындағы Кеншілер алаңында сағат 10:00-ден кенші 18:00-ге дейін өтеді. Қала тұрғындарын тазалыққа үндейтін экологиялық акциядан қалыс қалмай, баршамыз атсалысайық, ағайын!
Сондай-ақ оқыңыз
Бағдат ҚАЗКЕНОВ.
