1 желтоқсан – Дүниежүзілік ЖИТС-ке қарсы күрес күні. Бұл күнге орай облыс орталығында бірқатар іс-шаралар ұйымдастырылды. Ол Халық достығы мен мәдениет үйінде «Dance 4 life» флешмоб байқауымен қорытындыланды.
Байқауды облыстық денсаулық басқармасы мен облыстық ЖИТС-тың алдын алу және күресі жөніндегі ортылығы және білім басқармасы бірлесе ұйымдастыр-
ған. Оған облыс колледждерінен 9 команда қатысты.
Байқаудың ерекшелігі сол – жастар би арқылы АИТВ мен ЖИТС туралы ақпарат берді. Вирус жұқтыру жолдарын және алдын алу шараларын көрсетті. Көрермендерге денсаулықтың маңыздылығын би арқылы түсіндірді. Іс-шара марапаттау рәсімімен жалғасты. Үздік нәтижеге Жезқазған гуманитарлық колледжінің студенттері қол жеткізді. Облыстық ЖИТС-тың алдын алу және күресі жөніндегі орталығының мамандары сол жерде жастарға ақпарат берді. Бұл шара жастар арасында салауатты өмір салтын ұстанудың маңыздылығын көрсетуді көздеді.
Гүлім МАРАТҚЫЗЫ.
Сондай-ақ оқыңыз
