«Қазақмыс Мэйнтенанс Сервисиз» ЖШС кәсіпорындарында қызмет ететін «Jastar Bolashaq» Жастар одағының мүшелері «Белка» турниріне қатысып, әріптестік қарым-қатынасын нығайтты.
«Бірлігі мықты жастар – болашаққа жол бастар» деген қағиданы ұстанатын еңбеккерлер алдымен топтарға бөлініп, тиімді команда құру, жұмысқа қабілеттілік пен ұйымшылдықты арттыру үшін ұжымдық қарым-қатынасты берік етуге бағытталған кағидамен ойын көрсетті. Ойын кезінде түрлі жөндеу телімнен, цехтардан келген жас мамандар белсенділік танытып, әр қадамды нық жоспарлау арқылы үздік нәтижеге жетуге бар ынталарын салды.
Ойын нәтижесі бойынша І орынды Ерболат Сағынтай мен Нұржан Әділхан өзара бөліссе, Амангелді Жүрсінов пен Асхат Әбдіхалық ІІ орынды еншіледі. ІІІ орынның жүлдесіне Азамат Біркеев пен Жандос Тапаев ие болды.
Турнир жайында өзінің ойлармен бөліскен қатысушылар: «Осындай шаралар арқылы біз жаңа таныстар табамыз. Сондай-ақ, бір салада еңбек еткендіктен, жұмысты жүргізу бойынша пікір алмасамыз. Бір кәсіпорынның абыройын өркендетіп жүргендіктен әріптестік қарым-қатынастың мықты болғаны дұрыс деп ойлаймыз»,– деді. Бір сөзбен айтқанда, «Белка» турнирі ұжым жастарын бірлікті бекем етуге шақырды.
Бағдат ҚАЗКЕНОВ.