Жезқазған аймағындағы «Қазақмыс» корпорациясына қарасты «Батыс» кеніші жылына 4 млн тонна кен алу жоспарын межелі міндеттен асыра орындап, жетістікке жетіп отыр. Бүгінгі таңда 1000-нан аса еңбеккері бар кеніштің құрамына №67, №73 шахталар кіреді. Олар кәсіби мерекелеріне табысты тасқындата жетіп отыр.
№ 67 шахтаның № 70 үңгілеу телімі ұжымының өздеріне берілген жоспарды орындаудағы үлестері қомақты. Аталған телімде үңгілеудің межесі айына 130 қума метр болса, оны асыра орындау арқылы көшбасынан көрінуде.
Суретте: үңгілеуші Мұрат Әбішев (сол жақта) пен телімнің маркшейдері Дәуіржан Бейсенов шахтаға түсу алдында ауысымдағы
тапсырма барысын кеңесуде.
