Спорт – адам денсаулығының басты кепілі. Әсіресе, ауыр еңбек жағдайында жұмыс жасап жүрген азаматтар үшін салауатты өмір салтын ұстану маңызды.
Осы ретте «КәсіпҚорған» кәсіподағы еңбеккерлердің спортқа деген ынтасын арттырып, салауатты өмір салтын ұстануға деген қызығушылықтарын ояту мақсатында спартакиадалар мен жарыстар ұйымдастыруда. Кәсіподақтың Жезқазған филиалы мен «Қазақмыс» корпорациясы» ЖШС еңбеккерлерінің «Jastar Bolashaq» Жастар одағы ұйытқы болған кезекті жарыс түрі киберспорттан өтті.
Заманауи спорт түрі саналатын бұл ойын компьютерлік ойындардың жиынтығы. Аталмыш спорттан өткен жарыста №1,2,3 Жезқазған кен байыту фабрикасының жұмысшылары топ жарды. Фабрика директоры Мұрат Бөрібаев, «КәсіпҚорған» кәсіподағы комитетінің төрағасы Майра Әлбаттина өндіріспен қатар спортты да серік еткен азаматтарға алғыстарын білдірді.
Тартысқа толы жарыста бірінші орынға Азамат Шөпбаев пен Фермағали Махамбет ие болса, екінші орынды Бақтыкелді Мәкібай мен Жанболат Серікбай еншіледі. Мейіржан Фермағали мен Мәди Зәкіржанов үшінші орынның тұғырынан көрінді. Сөйтіп, байытушылар спортта да епті екендіктерін көрсетті.
Сондай-ақ оқыңыз
Жарысқа қатысушылар бәсекенің өтуіне ұйытқы болған Кәсіподақтың Жезқазған филиалы мен «Қазақмыс» корпорациясы» ЖШС еңбеккерлерінің «Jastar Bolashaq» Жастар одағына алғыс білдіреді.
Бағдат Айтөреұлы.
