Қария – елдің басы, ақылын айтар данасы. Ата жолын жалғаған құрметті еңбеккерлерімізді «Қазақмыс корпорациясы» ЖШС жанындағы «Ардагерлер кенесі» қоғамдық бірлестігінің төрағасы Төлеген Бүкіров «Қазақмыс» корпорациясы кәсіпорындарынан еңбек демалысына шыққан Жезқазған филиалының бірнеше зейнеткерлеріне «Еңбек ардагері» медалін және «Қазақмыс корпорациясы» ЖШС Құрметті еңбек ардагері» төсбелгілеріне ұсынылған ардагерлерді құттықтады.
Корпорация қаражатының есебінен бір жолғы сыйақы төленетіндігі айтылды. «Қарты бар елдің – қазынасы бар» дегендей, олардың әрбір айтқан ақылдары жас ұрпаққа өнеге.Өз ортасына қадірлі, сөздері дуалы, істері кейінгі жас ұрпаққа өнеге, еліміздің өсіп-өркендеуіне сүбелі үлес қосқан, аты мен атағы дара ардагерлеріміз қашан да құрмет төрінде. Денсаулықтарыңыз мықты болсын, қасымызда аман жүре беріңіздер. Құрметті еңбек демалысына шықса да әлі күнге дейін қатардан қалмай қоғамдық өмірге араласып жүргені мақтаныш сезімін тудырады, – деп ардагерлерді марапаттау рәсімін «КәсіпҚорған» кәсіподақ комитеті төрағасының орынбасары Абзал Жаңабергенов жалғастырды.
«Еңбек ардагері» медалімен Жезқазған мыс зауытының ардагерлері Н.Жанкүшкаров, К.Оразай, Карсақпай металлургиялық зауытынан Ж.Апшөкенов, М.Елкеева, Жезқазған байыту фабрикасынан А.Конкель, құю механикалық зауытынан С.Диженков марапатталды. «Қазақмыс корпорациясы» ЖШС Құрметті еңбек ардагері» төсбелгісін Карсақпай металлургиялық зауытынан А.Маменов, Ж.Қонысов, Жезқазған мыс зауытынан У.Игібаев, Жезқазған байыту фабрикасынан Т.Құрақбаев ,құю механикалық зауытынан В.Красовский, М.Мұамедьянов, С.Молдина және тағы да басқа ардагерлер иеленді. Ардагерлерді Жезқазған филиалы бастуыш ардагерлер ұйымының төрағалары Ж.Шынқожаев., А Кожухов құттықтады.
Сондай-ақ оқыңыз
Еңбек ардагерлеріне дастарханы жайылды. Ардагерлер: «бүгінгі жас буын үлкендерді қадірлей білсе, ертең олар да сол құрметке бөленетіндігін, ардагерлерді елеп, құрмет көрсетіп жатқаны үшін алғысымыз шексіз», – деп тілектерін білдірді.
Кеуделері шежіреге толы қарияларымыздың жүзінде шуақ ойнап, көңілдері шалқып, мерейлері тасып қалды.
Қадиша Алпысбаева,
Қарсақпай мыс зауытының ардагері.
