«Нұрқазған» байыту фабрикасында кен ұсақтаудың көрсеткіші жыл сайын артып келеді. «Қазақмыс» компаниясының инновациялық бағдарламасы шеңберінде мұнда ұсақтау корпусының кешені ұлғайтылып, екі бірдей жаңа телім қатарға қосылды.
Құрылысы жаңа аяқталып, жұмысын бастап жатқан телімнің әлеуетімен жақында Қарағанды өңіріне барған сарапымда таныс болдым. Ұсақтау кешені жаңа заманауи жабдықтармен қамтылған. Оның қуаттылығы келешекте 4 млн тонна кен ұсақтауға қауқарлы.
Суретте: (солдан оңға қарай) ұсақтау кешеніндегі жөндеу бөлімінің мастері Бауыржан Тоқтамыс, ұсақтау кешенінің механигі Ербол Күзенбаев, кешеннің механигі Бейбіт Әбдреймов, ұсақтаушы Жұмабек Омаров, пультпен басқару операторы Гүлжазира Сәрсенбаева, фабрика диспетчері Ақмаржан Бірманова, ұсақтау кешенінің аға мастері Айдар Айтбаев және жөндеу бөлімінің мастері Жамбыл Сатыбалдиев.
