«КәсіпҚорған» кәсіподағы Жезқазған филиалы мен «Қазақмыс» корпорациясы» ЖШС еңбеккерлерінің «Jastar Bolashaq» Жастар одағы бірлесе ұйымдастыратын Спартакиада аясында футзалдан үздік командалар анықталды.
«Қазақмыс» корпорациясының негізгі және қосалқы құрылымдарының еңбеккерлері бақ сынаған жарыс екі аптаға ұласып, мықтылардың ақтық мәресі өтті.
Ойынға қатысқан әрбір команда жеңіс тұғырынан көрінуге тырысты. Нәтижесінде І орынды ІТ қызметінің командасы жеңіп алса, ІІ орынға Жезқазған байыту фабрикасы ие болды. Құю-механикалық зауытына ІІІ орынның жүлдесі бұйырды.
Сонымен қатар, жарыс барысында шеберліктерімен ерекше көзге түскен бірқатар ойыншы номинациялармен марапатталды. Атап айтқанда, құю-механикалық зауытынан Ернар Өксікбай «Үздік қақпашы» номинациясын алса, Жезқазған мыс қорыту зауытының командасынан Әсет Ерубаевқа «Үздік қорғаушы» номинациясы лайық деп танылды. Жезқазған байыту фабрикасынан Азамат Сапарбаев «Үздік шабуылшы» атанды. ІТ қызметінен Досым Әлихановқа «Үздік ойыншы» аталымы бұйырды. Осылайша 2024 жылдың Спартакиадасында футзалдан ІТ қызметі чемпион атанды.
Сондай-ақ оқыңыз
Бағдат ҚАЗКЕНОВ.
