Мекемелер мен кәсіпорындардың кірісі мен шығысын есептеп, алдағы межелерге экономикалық жоспарлар жасау арқылы экономика саласының мамандары әр жылды табысты қорытындылауға үлес қосады.
«Қазақмыс Смэлтинг» ЖШС құрамындағы Жезқазған мыс қорыту зауытының жоспарлауэкономикалық бөлімінің білікті қаржыгерлері өндіріс ошағының тиімді жұмыс жасауына білімдері мен тәжірибелерін арнап келеді. Анар Ізтілеуқызы Шалабаева басшылық жасайтын бөлім 15 қараша – Ұлттық валюта және қаржы саласы қызметкерлері күнін табыспен қарсы алып отыр.
Суретте: (солдан оңға қарай) экономистер Ханзада Аяғанова, Алла Баширханова, бөлім басшысы Анар Шалабаева, Әсел Есенова мен Динар Нұрақашева.
