Сапаны бақылау қызметінің кәсіподақ комитетінде бұрынғы төраға Бағдат Байсалбековтің құрамнан шығуына байланысты кәсіподақ комитетінің отырысында комитет төрағасын қайта сайлау туралы шешім қабылданды.
Ағымдағы жылдың 1 қыркүйегінен бастап «Қазақмыс» корпорациясы» ЖШС сапаны басқару дирекциясы Жезқазған өңірі «КәсіпҚорған» кәсіподақ комитетінің төрағасы болып І санатты баптау және сынау жөніндегі инженер Гүлжан Болатқызы Ахметбекова сайланды.
Гүлжан Болатқызы өз саласында біліктілігі жетілген маман. Ұжымның әлеуметтік-психологиялық тұрғыдағы жағдайымен жақсы таныс. Сондықтан, кәсіподақ комитеті төрағасы қызметін ұйымның стратегиялық бағдарына сай атқарады деген сенім білдірді әріптестері. Гүлжан Ахметбековаға тізгінін ұстаған қызметте абырой тілейміз.
Бағдат ҚАЗКЕНОВ.
