Бұл өндірістің байыбына бойламаған адам шойын құюды басқаша қабылдауы әбден кәдік. Яғни, балқытылған шойында алдын ала жасалған қалыпқа құю ғана деп түсінері анық. Ал, шын мәнінде бұл жұмыс бірнеше процестен тұрады. Оны бізге зауыттың шойын құю цехының басшысы Ғабит Ермағанбетов жіктеп, жіліктеп әңгімелеп берді.
– Осы аптада біз байыту фабрикаларына 3 түрлі, зауытқа 5 түрлі, шахталарға 4 түрлі өнім құюымыз қажет. Осы үшін біздің жігіттер екі, үш күн дайындық жұмыстарын жасады. Яғни, құюшылар құйылатын бұйымдардың қалыбын жасап, әзірледі.
Негізі, біздің цехта 49 адам еңбек етеді. Оның 26-сы құюшылар. Қалғандары токарь, слесарь және дәнекерлеуші. Әлгі 26 құюшы өздері құятын бұйымның қалыбын алдын ала әзірлейді. Ол үшін УМТС-тен әкелінген арнайы топырақ қоспаларын пайдаланады. Бұл үлкен жауапкершілікті қажет ететін жұмыс. Құйылған бұйымның стандартқа сай болуы, сапалы құйылуы осы дайындалған қалыптарға тікелей байланысты.
Хоош. Сонымен бұйым құйылғаннан кейін де қыруар жұмыстар тұр алда. Дайын бұйымды қырлау, сырлау да өз алдына үлкен бір процесс.
Сондай-ақ оқыңыз
Бұл жұмыстар токарьлардың күшімен атқарылады. Артық жерін жонып, тауарлық кейіпке келтіреді. Осы жерде токарьларымыз шеберлік көрсетеді. Станоктарымыз – кешегі ағылшындардың көзін көрген, көнеден қалған қондырғылар. Бірақ, мүлтіксіз жұмыс істеп тұр.
Осындай үлкен процестердің басында жекелеген озаттарымыздың жүргенін әркез мақтан етеміз. Мәселен, құюшылар бригадасының бригадирі Мұрат Мұқанов, кұюшы Сәрсенбек Тоқсанбаев, құйылған бұйымдарды қалпына келтіруші Нұр-
тілеу Танжар, токарьлар бридадирі Болат Мұсылманбеков, токарьлар Рахат Төребаев пен Серік Тұрғынбаев өз істерімен көпке үлгі болып келеді.
Осы мерейлі мереке қарсаңында бірқатар еңбеккерлеріміз лайықты марапаттарға ұсынылып отыр. Бұл олардың адал еңбегіне берілген әділ баға деп білеміз, – дейді цех басшысы.
Ізтай БЕЛГІБАЙҰЛЫ.
