Жезқазған қаласында қала күніне орай «Cuprum RUN – 2025» жаппай жүгіру марафоны өтті. Шараны «Kazakhmys Smelting» компаниясы үшінші жыл қатарынан ұйымдастырып отыр.
Жобаның басты мақсаты – қала тұрғындары арасында салауатты өмір салтын насихаттау, бұқаралық спортты дамыту және әлеуметтік-қайырымдылық бастамаларды қолдау. Биылғы жарысқа қатысушыларға 1 км, 5 км және 10 км қашықтықтары ұсынылды. Негізгі старт сағат 09:30-да берілді. Жарысы 07:30 – 12:00 аралығында өтіп, қаланың басты көшелерімен жүгіріп өтті. Әсіресе 1 км қашықтық ерекше қажеттіліктері бар қатысушыларға арналды.
Марафонға қатысушыларға «Kazakhmys Smelting» ЖШС бас директоры Жәнібек Байғабелов, бокстан олимпиада чемпионы Серік Сәпиев марафонның маңыздылығына тоқтала келіп, игі бастаманың ұзағынан болуына тілектестіктерін білдірді.
Марафонға шамамен 650-ге жуық қала спортшысы қатысып, спорттық мерекенің ажарын кіргізді. Қатысушылардың қауіпсіздігі мен жайлылығына ерекше мән берілді.
Мәре сызығын қиған барлық спортшыларға мәреші медальдары табысталып, әр қатысушыға естелік ретінде арнайы футболкалар берілді.
