«Қазақмыс» корпорациясы елдегі әлеуметтік жобаларды жүзеге асырушы ірі ұйым екені баршаға аян. Компания басшылығының қолдауымен еңбеккерлер арасында салауатты өмір салтын насихаттап, спортты дамытуға да баса көңіл бөлініп келеді.
Осы орайда жақында Алматы қаласында өтетін қысқы спартакиадаға «Қазақмыс» корпорациясы» ЖШС кен-байыту кешенінің құрамындағы кәсіпорындар арасында корпорацияның ұйытқы болуымен футзалдан командалық іріктеу турнирі өтті. Оған «КәсіпҚорған» кәсіподағының Жезқазған филиалы негіз болды.
Корпорацияның өзге де өңірлердегі еңбеккерлері бас қосатын бәсеке алып шаһарды дүбірге бөлемек. Мысты шаһардағы іріктеуде Жезқазған байыту фабрикасының командасы топ жарып, жолдаманы ұтып алды. Сондай-ақ, бұл бәсекеде «Қазақмыс Смэлтинг» ЖШС Жезқазған мыс қорыту зауытының және ІТ қызметінің командалары да бақ сынайды.
Жолдама жеңіп алған Жезқазған байыту фабрикасының командасына жеңіс туын желбіретіп қайтыңдар демекпіз!
Сондай-ақ оқыңыз
Бағдат ҚАЗКЕНОВ.
