Облыс орталығында «Kazakhmys Smelting» ЖШС бастамасымен «Жезқазған өңіріндегі құрамында мыс бар кендердегі көміртегі құрамын ұлғайту және олардың ЖБФ-1,2,3 концентраттарының сапасына әсері. Балқыту пештерінде қайта өңдеу үшін шешімдер нұсқалары» тақырыбында халықаралық ғылыми-техникалық конференциясы өтті.
Дөңгелек үстел форматында өткен конференцияның негізгі мақсаты Жезқазған мыс балқыту зауытының ғылыми және конструктивті әзірлемелерін, концентраттағы көміртегі құрамын төмендетуге арналған шешімдерді тиімді қолдану болды. Сонымен қатар, Балқаш мыс балқыту зауытының кен-термиялық пешін және Балқаш мыс балқыту зауытының көміртегі мөлшері жоғары мыс концентратын қайта өңдеуге бейімдеу де оның басты тақырыбының біріне айналды.
Конференцияға өндіріс саласында тың зерттеулер жүргізіп жүрген отандық және шет елдік ғалымдар қатысты. Олар тақырып аясында кең мазмұнда баяндама жасап, кейінгі жылдары жүргізген зерттеулеріне тоқталды. Алыс, жақыннан келген сала майталмандары мыс балқыту ісіндегі кейінгі жаңалықтардан кеңірек ақпарат берді.
Гүлім МАРАТҚЫЗЫ.
