Алып мыс өндіруші «Қазақмыс» компаниясымен қатар бірнеше өндірістік ұйымдардың еңбеккерлерін бір арнаға тоғыстырған тау-кен, металлургия және аралас өндіріс еңбеккерлерінің «КәсіпҚорған» кәсіподағының басшылығы филиалдар мен комитет төрағаларының білімі мен іскерлігін арттыруда семинарлар өткізуді жолға қойды.
Осы бағытта кәсіподақ төрағасы Уәлихан Нұржанов өндірістік алаңдарда шоғырланған филиалдардың қызметкерлерін қамти отырып, оқыту бағдарламасын жетілдірді. Апта басында Қарағанды қаласында Жезқазған, Қарағанды, Балқаш, Шығыс Қазақстан өңірлеріндегі филиалдардың төрағалары мен комитет төрағаларына арналған семинар ұйымдастырылды.
22– 23 мамырда өткен оқуда еңбек ұжымдарында туындайтын шиеленістерді шешу, келісім және бітімгершілік комиссиясының атқаратын негізгі міндеті, еңбектегі дау-дамайды оңтайлы шеші, қазіргі өндірістік кеңестің шет елмен еліміздегі айырмашылығы сынды мәселелер қозғалды. Семинарға қатысушыларға «Қазіргі қоғамды зерттеу институты» ЖШС директоры, экономика ғылымдарының докторы, «Ынтымақ» үйлестіру кеңесінің төрағасы Мейрам Қажыкен, құқытану бойынша Phd, М.Нәрікбаев атындағы Қазақ мемлекеттік заң университетінің профессоры, халықаралақы еңбекті ұйымдастыру жөніндегі кеңесші, ҚР Конституциялық сот жанындағы ғылыми- консультативті кеңестің мүшесі Мүсілім Хасенов, шиенелістанушы, медиатор, әлеуметтанушы, заңгер Шырын Оразбаева жоғарыда аталған тақырыптар бойынша дәрістер оқыды.
Семинар барысында топтық жұмыстар жүргізіліп, тәжірибе алмасулар өтті. «КәсіпҚорған» кәсіподағының төрағасы Уәлихан Нұржанов мұндай оқытудың тиімділігі жұмысшы мүддесін қорғайтын кәсіподақ ұйымы үшін аса маңызды екендігін жеткізе келіп, екі күнде мазмұнды дәріс берген кәсіби мамандарға алғысын білдірді. Семинардың қорытындысы бойынша қатысушыларға сертификаттар тапсырылды. Алдағы уақытта төрағалар семинардан алға білімін өз тәжірибелерінде қолданбақ. Бір сөзбен айтқанда, бұл семинар кәсіподақ өкілдерін оқыта отырып, бағыт-бағдар берді.
Сондай-ақ оқыңыз
Бағдат ҚАЗКЕНОВ.
