«Қазақмыс» компаниялар тобының еңбек ұжымдары арасында «Мен жастарғас енемін!» атты республикалық өндірістік КТА ойыны өтті. Көңілді және тапқырларға арналғанойын Наурыз мейрамы мен Сәтбаев қаласының
50 жылдық мерекесі аясында өтті.
Ойында Қарағанды, Жамбыл, Шығыс Қазақстан облыстары мен Ұлытау облысының 12 құрама командасы жарқын әзіл мен әртістік өнерін көрсетіп, бақ сынасты.
Қалған қатысушыларға «Қазақмыс Холдинг» ЖШС бөлімшелері мен мердігерлік ұйымдарының өкілдері лайықты қарсылас болды.
Ғ. Омаров атындағы шахтапроходкалау тресінің командасы ойынның алғашқы минуттарынан бастап қазылар алқасы мен көрермендердің сүйіктісіне айналды. Тресттің КТА ойыншылары өздерінің Бас жүлдемен қоржынын толықтыруды дәл осы әзіл-оспақ мерекесінен бастады. Бірінші орынды «KazakhmysMaintenanceServices (ҚазақмысМейнтенансСервисиз)» ЖШС командасы иеленсе, «Жезқазған медициналық орталығы» ЖШС медицина қызметкерлері күміс жүлдені жеңіп алса, «Жомарт» кенішінің командасы үшінші орынды қанағат тұтты.
Қатысушы ұжымдарға кубоктар мен көрермендердің қошеметінен басқа ақшалай сертификаттар да табысталды. Айта кетейік, қазақмыстық жалынды жастардың басын қосқан бұл көңілді тапқырлар кеші «Қазақмыс» корпорациясы» ЖШС еңбеккерлерінің «JastarBolashaq» Жастар одағының ұйытқы болуымен ұйымдастырылды.
«Қазақмыс» корпорациясы» ЖШС баспасөз қызметі.
