Тамыздың екінші жексенбісінде аталып өтілген құрылысшылардың кәсіби мерекесіне орай «Қазақмыс» корпорациясы ЖШС «Жезқазғантүстімет» өндірістік бірлестігіне қарасты құрылыс-монтаждау басқармасында салтанатты жиын өтті.
Көнеден көнермей бүгінгі жаңа заманға жеткен құрылыс мамандығы қоғам дамуында айрықша орынға ие. Осы кәсіпті игерген құрыш қолды құрылысшыларды ұлықтау салтанатында Жезқазған қаласының әкімі Қайрат Шайжанов құрылыс саласының маңыздылығын айта келіп, сала мамандарына ал,ысын жеткізді. Қайрат Абдоллаұлы Алмаш Күлдібаева, Хамит Серікбаев, Болат Орымбаевқа Жезқазған қаласының Құрмет грамотасын, Ибрагим Кутинов, Бейбіткүл Чантуева, Айдос Апеков, Мұхаметәлі Қошановқа Алғыс хат тапсырды.
«Қазақмыс» корпорациясы» ЖШС құрылыс жөніндегі директоры Батырбек Қонысбаев әріптестеріне жылы лебізін арнай келіп, Рахымбек Мұстафаев пен Сергей Хохловты «Қазақмыс» Холдинг ЖШС Директорлар кеңесі төрағасының Құрмет грамотасымен, «Қазақмыс» корпорациясы» ЖШС Басқарма төрағасының бірінші орынбасарының Құрмет грамотасымен Владимир Даниловты марапаттады.
Құрылыс-монтаждау басқармасының бастығы Темірхан Әбдіров ұжымның өңір мен өндірісте құрылыс саласын дамытудағы еңбегіне алғыс айта келіп, табыс тіледі. Темірхан Әбжәлелұлы басқарманың ағаш шебері, озат еңбеккер Қадыр Бадағұловқа үшінші дәрежелі «Еңбек даңқы» төсбелгісін тақты.
Сондай-ақ, басқарма басшысы таңдаған мамандығына адалдығы, жоғары кәсібилігі, кәсіпорынның әлеуметтік-экономикалық дамуына қосқан үлесі үшін Ботакөз Тілеуова мен Болат Тұрмағанбетовті Құрмет грамотасымен марапаттады.
Салтанатты жиында еңбек адамының қолдаушысы әрі қорғаушысы болып табылатын Тау-кен – металлургия және аралас өндіріс еңбеккерлерінің «КәсіпҚорған» кәсіподағы да құрылысшылардың мәртебесін асқақтатты. Сервистік өндіріс кешеніндегі «КәсіпҚорған» кәсіподағы Жезқазған филиалының төрағасы Серік Алтынбеков басқарманың қалыптасуы мен дамуында ерекше үлесі бар ардагерлерге, сала майталмандарына, еңбек озаттары мен кәсібін жаңа бастап жатқан жалынды жастарға сәттілік тілеп, мерекелік лебізін арнады.
Кәсіби мерекеде кәсіподақтың Құрмет грамотасына Ғали Молдабеков, Шахмардан Оспанов, Ирина Кузьмина, Людмила Единчук, Қадер Сағатов, Александр Рябоконь, Саят Сүлейменов, Оксана Дидьч, Гүлнар Жұмағұлова, Мереке Үсембаева, Сергей Ташкин, Анар Бесимова, Нұрбол Байторин, Игорь Лошкарев, Совет Кәдікеш, Валентина Финкель, Қанат Ибраев, Сәуле Жұмағұлова, Юлия Дигай, Мадина Молдабекова, Бауыржан Торғаев, Гүлнар Сабирова, Жанабай Тасмағанбетов, Дулатжан Балиманов, Даяна Жапарова, Ақан Есімов, Лидия Шеломенцова ие болды.
«Amanat» партиясы «Қазақмыс» корпорациясы» ЖШС жанындағы Қарағанды филиалының құрылыс-монтаждау басқарамасындағы бастауыш партия ұйымының төрағасы Мейрамбек Жетпісбаев мерекелік құттықтауын әріптестеріне өлең жолдарымен жеткізді. Филиал тарапынан Мейрбек Аппасов, Гүлжанат Боханова, Айтжан Жылқыайдарова, Елжан Кенжеғұлов, Бақыт Сағындықов марапатқа ие болды.
«Қазақмыс» корпорациясы» ЖШС еңбеккерлерінің « Jastar Bolashaq» Жастар одағы төрағасының орынбасары Сәкен Қайратұлы жастар саясатын жүзеге асыруда ерекше көзге түскен, еңбектегі жеке табысы үші Нұрлыбек Баязиев пен Нұрсұлтан Ідірісовке «Даңқты жастар» төсбелгісін тапсырды. Сонымен қатар, кәсіби мерекеде Төлеген Әбенов, Мақсат Жәкенов, Марғұлан Шәкей, Ермек Атақанов, Ер-мұрат Ысқақов, Жалғас Сеитов, Айгүл Тұрғанбаева, Дмитрий Щемелев Құрмет грамотасына ие болды.
Ашық аспан астында дүркіреп өткен салтанатты жиынды жезқазғандық өнерпаздар әнмен әрлеп, бимен көмкерді. Басқарма алаңында спорттық шаралар өтіп, сала ардагерлеріне кәсіподақ тарапынан ақ дастархан жайылды. Бір сөзбен айтқанда, басқарма құрылысшылары кәсіби мерекелерін шат-шадыман күйде атап өтті.
Бағдат ҚАЗКЕНОВ.
«Мысты өңір».
Суреттер автордікі.
