Жезқазған ЖЭО-да 2 қазандыққа күрделі, 5 қазандыққа ағымдағы жөндеу жүргізілуде. №11 қазандықтағы күрделі жөндеу толық аяқталды. №6 қазандықтағы жұмыстардың орындалуы 71%-ды құрайды. Өңір басшысы жөндеу жұмыстарын қыркүйек айының соңына дейін толық аяқтауды тапсырды.
Сонымен қатар Жезқазған ЖЭО-дағы 4 турбинаның ағымдағы жөндеуі аяқталды.
Сәтбаев қаласындағы №1 жылу станциясында №3 қазандықтың газ жолдарына жүргізіліп жатқан күрделі жөндеу 93%-ға орындалды. Бұдан бөлек, 4 қазандыққа ағымдағы жөндеу жүргізілуде. Жұмыстарды 15 қазанға дейін аяқтау жоспарланған.
Сәтбаев қаласындағы №1 магистральдық жылу желісін реконструкциялау аясында жоспарланған 48,7 шақырым желіні жөндеу жұмыстары толық аяқталды.
Жылу көздері мен инженерлік инфрақұрылымның дайындығы өңір басшысының тұрақты бақылауында. Көмір жеткізу жұмыстары бекітілген кестеге сәйкес жалғасуда.
