Мамандандырылған жөндеу-механикалық басқармасындағы «КәсіпҚорған» кәсіподағы комитеті зейнет жасына жеткен Қайырғали Мұханбединге құрмет көрсетті.
Қырық төрт жыл бір кәсіпорында монтажшы болып еңбек еткен Қайырғали Әбдіқалықұлы – басқармадағы білікті де тәжірибелі маманның бірі.
1979 жылы Жезқазған құрылыс техникумын тәмамдап, монтажшы болып жұмысқа қабылданған жас маман құрылыс саласы мамандарының ортасында кәсібінің қыр-сырына қанықты.
1980 жылы әскер қатарына алынып, екі жылдан соң «Қазмысқұрылыс» тресіне жұмысқа қабылданды. Содан бері құрылыс саласынан қол үзбей келеді.
Қайырғали Мұханбединнің салаға қосқан үлесіне кәсіпорын басшылығы, әріптестері мен кәсіподақ комитетінің өкілдері алғыстарын білдіріп, марапаттады.
Сондай-ақ оқыңыз
Бейнетінің зейнетін көрер шаққа жеткен Қайырғали Әбдіқалықұлы ұзақ жылғы еңбегі үшін үшінші дәрежелі «Еңбек даңқы» төсбелгісімен марапатталған. Қуаныш иесі өзіне көрсетілген құрмет үшін кәсіпорын басшылығы мен кәсіподақ комитетіне алғысын білдірді.
Бағдат ҚАЗКЕНОВ.
