Жезқазған қаласының Құрметті азаматы, КСРО Министрлер Кеңесі сыйлығының лауреаты, ҚР еңбек сіңірген металлургі, «Қазақмыс» корпорациясының Құрметті еңбек ардагері Нығмет Ілиясұлы торқалы тоқсан жасқа толды.
Аймақта түстіметаллургияның дамуына сүбелі үлес қосқан абыз ақсақалдың мерейтойы Қ. Сәтбаев атындағы тарихи-өндірістік музейінде салтанатты жағдайда атап өтілді.
Еңбек ардагеріне деген ыстық ықыластарын Жезқазған қаласы әкімінің орынбасары Зина Ақылбекова, Жезқазған мыс қорытузауытының бас инженері Шоқан Әбулаисов, «Қазақмыс» корпорациясы» ЖШС Жезқазған аймағы бойынша әлеуметті кеңбек қатынастары басқармасының басшысы Сабыржан Тембаев, «Қазақмыс» корпорациясы» ЖШС жанындағы «Amanat» партиясы аппарат басшысының хатшысы Асқар Нұржанов, «КәсіпҚорған» кәсіподағы Жезқазған филиалының бас инспекторы Шәкен Кененбаев құттықтап, сый-құрмет көрсетті.
Жезқазған мыс қорыту зауытының қадасы қағылған алғашқы сәттен бүгінгі күнге дейінгі даму тарихында сүбелі еңбегі бар қазына қарт өзіне көрсетілген құрмет үшін «Қазақмыс» корпорациясының және зауыт басшылығына алғысын білдірді.
Бағдат АЙТӨРЕҰЛЫ.
